Lutlaget Gamalt & Gale...

Slåttedag på Skaret

2011-09-02T11:17:00.000+02:00

Heine har godt handlag med høygaffelen.

Vinter har blitt vår, vår har blitt sommar og sommar har blitt haust. Årstidene har endra seg, medan nettsida til Gamalt & Gale har stått på stedet hvil. Men det må vi no gjere noko med.

Tilbakemeldingane etter veteranbilutstillinga vår i sentrum var svært gode, og mange har teke kontakt i ettertid å bedt om at dette vert eit årvisst innslag. Det kan vi ikkje love enda, tida får vise.

Etter Sykkylvsdagane vart alle klutar sett inn for å gjennomføre slåtten på Skaret på ein best mogleg måte. Sola skein og alt låg til rette for ein perkfekt dag. Omlag 40 personar deltok på slåtten, der det for første gong på mange mange år vart hesja på Skaret.

Karsten (t.v) og Kallen diskuterar korleis
hesa skal settast opp. Saman har dei mange
års erfaring i hesjing.

Kristian har funne seg godt til rette på Porchen.

Ein av dei yngste slåttekarane var Elias, som her hjelper
pappa Trond med svansinga.

Katinka og Thomas var til god hjelp i slåtten.

Bergljot og Margrete er i gong med å fylle fyrste golvet i hesa.

Det var mykje folk på Skaret denne dagen. Frå venstre Astrid, Elisabeth, Lidvar, Trond og Sigrun.

Svein på Gullkalven

Leik og moro på Skaret

Om lag 40 personar var til stades på slåttelaurdagen i Søvikdal. I strålande solskin gjekk arbeidet unna i rekordfart.

Gleda var stor når ein kunne konstatere at slåttekøysa heller ikkje i
år må forast gjennom vinteren. Dette vart feira med
slåttegraut.

Bilparade i sentrum, ein suksess

2011-06-28T22:19:00.000+02:00

Her har vi lagt inn ein del bilete frå Sykkylvsdagane 2011. Om du ikkje var til stades i sentrum denne laurdagen gjekk du verkeleg glipp av ein stor opplevelse. 32 bilar runda Roaldhjørnet på sin veg mot Kaigata og vart behørig presentert.
Meir tekst vil kome etterkvart.

Alle foto er tekne av Silje Hatlen.

2011-06-08T15:21:00.000+02:00

Sommeren nærmar seg

2011-05-28T16:10:00.000+02:00

Bilane har allereie fått ein liten luftetur ut, men var heilt sikkert fole glad for å kome seg i hus att. 17. mai stilte Gamalt & Gale opp med både buss og bilar for å ta med den eldre garde i toget.

Dagen byrja med sol og opphaldsver, men kor lenge var Adam i Paradis... Ikkje før vi hadde fått lagt ned taka, fått på passasjerane og parkert ved bedehuset, opna alle sluser seg. Då var det berre å hive på kalesjene, og kome seg under tak.
Medan dei fleste i toget såg ut som drukna katte, og dei bunadskledde var so nedetynga av våt vademel at dei knappast kunne gå, sat våre passasjerar varmt og godt i bilane.

Neste happening for Gamalt & Gale vert bilparade på Sykkylvsdagane. Oss kan umogleg vere uheldige med veret to gongar på rad...

God stemning i dalen

2011-04-04T10:40:00.002+02:00

Det var god stemning i dalen sist torsdag, då karane var samla.
Menyen var for anledninga utvida frå å turrekake, til vafler og sveler. Elisabeth og Heine stod for vaffelsteikinga, medan John hadde med seg herlige sveler som Margrete hadde laga.

Til stades sist torsdag var:
Heine Riksheim-Aure
Stig Aure
Lidvar Aure
Arild Leikanger Aure
Svein Bakke
Einar Bakke
Bjarne Berge
John Thompson
Olav Kjuul
Stig Hagen
Odd Jakob Kursetgjerde

Joakim Amundsen Sve

Super Dexta snart på hjul igjen

2011-03-17T19:57:00.003+01:00

Mesteparten av vinterprosjektet er no ferdig lakka. Monteringa har kome i gang, og karane i dalen er ivrigare enn nokon gong før. Lidvar, John og Svein var torsdagskvelden svært konsentrerte då dei monterte saman ulike delar på traktoren. Kva tid det er klart for å starte traktoren vites ikkje enda, men kjenner vi karane rett blir det nok ikkje lenge til.

Under kan du få eit gjensyn med Bulldogen då den vart starta fyrste gong. Vi vonar det ikkje blir noko reprise av den gong.

Varme føter

2011-03-10T22:36:00.000+01:00

Det blir i kveld meldt frå Søvikdal at Sondre har varme føter..
Clutchen på Gulrotbilen har stått fast sidan tidenes morgen, men Sondre visste råd.

Han tok fatt i problemet med liv og lyst. Der Snåsamannen legg dei varme hendene sine på folk, for å få dei til å kvikne til att brukar Sondre føtene. Med eit lett trykk på pedalen løyste clutchen seg.

Dei overnaturlege evnene til guten frå Blindheimsbakkane nådde snart den eine av Bakkebrørne. Som kjent har dei to brørne ein traktorgravar som rett som det er startar. Sist den var i gong sto bremsene fast. Håpet er at Sondre kan løyse bremsene på trakoren like lett som clutchen på Gulrotbilen.

Liv i gulrotbilen

2011-02-24T21:24:00.001+01:00

Bjarne Berge har vore ivrig i dalen siste vekene. Barnebarnet Sondre Nysæter har vore med som hjelpemann å læregut.
Prinsesse Mærta Lalois har vorte kjent for å kunne sjå englar å prate med avlidne. Det er berre småting i forhold til det radarparet Berge\Nysæter fekk til..

Dei fekk liv i Gulrotbilen.

Er det liv er det håp

2011-02-14T21:51:00.000+01:00

Tru det eller ei, det er liv i nettstaden enda. Det er liv i oss karane i Søvikdalen også.

Etter ein særs utvida haustferie vart det jul før vi fekk sukk for oss.. No når oss er komne til midt i februar må vi få ut fingeren å byrje å skrive litt her igjen..
Berre vi no får ommrøme oss, kjem her nye bilde, og oppdtaering på kva som skjer i Søvikdalen.

Haustfest 2010

2010-11-14T23:21:00.000+01:00

6 år har gått sidan den første haustfesten vart arrangert. Tanken og idèen om å prøve å arrangere fest på Daltun i Søvikdalen kom vel over ein kaffikopp ein torsdagskveld i 2004. I utgangspunktet var det meint som ein fest, men det har visst blitt tradisjon.

I år som åra før vart innbydelsane sendt ut, å vi venta spent på svar om nokon ville vere med på fest.

I år som åra før tok det lang tid før påmeldingane kom.

I år som åra før vart vi nervøse å tenkte at no var folk lei, å ville finne på noko anna.

I år som åra før tok vi feil.

Det vart ein kjekk og positiv kveld på Daltun, med god mat, god drikke, å god prat.

Brannberedskapen i Søvikdalen !!

2010-11-01T20:43:00.002+01:00

Vi har før skrytt av Møre Trafo AS som har vore velvillige å donert vekk både ein nettstasjon og no sist ein Ameise skyvemast truck.

Ærast dei som ærast skal. Ekornesfabrikken har rydda på brannstasjonen sin, å då fekk vi ta over ein del slangar, og hjelmar. Dette skal kome godt med når vi skal utruste Internationalen. Brannbilen vår står enda med bremseproblem. Å finne bremsedelar til denne bilen innanfor det budsjettet vi kan operere med har synt seg å vere vanskeleg. Dei vi har fått tilbod om må byggjast om, å blir då særs dyre.
Vi håper likevel å finne bremsedelar som høver på bilen, til ein fornuftig pris.

Vinterlagring

2010-11-01T20:19:00.003+01:00

Vi har no fått fyllt opp lagerhallen vår omtrent til bristepunktet.
Etter nitidig måling og studering. Rygging og svinging på millimeters presisjon. Løfting av traktora med truck, laaaangt uttafor det reint forsvarlege, er no lagerhallen utnytta max.

Om du trur dette har vore lett tek du feil. Sommeren har gått med på puslespill legging i håp om det kan hjelpe. Vi har elles fått god hjelp frå spelet Autocrazy til å finne dei likaste kombinasjonane.

Ein liten runde for å sjekke at frostveska held forsvarleg nivå, samt å plukke i hus batteri so kan vinteren berre kome.

PS: Vi har funne ei løysing som kan avhjelpe eit akutt plassbehov, vi kjem attende til det ved seinare høve.

Super Dexta \ John Deere ?

2010-10-28T22:52:00.001+02:00

Bjarne påpeika torsdag at Super Dextaen har fått eit grønnskjer over seg etter å ha stått ute eit år.

Kan den ha komt på tanken om å konvertere til John Deere?

Aktivitet i Dalen...

2010-10-28T22:43:00.001+02:00

...mindre på nettsida dessverre.

Det har vore god aktivitet i Søvikdalen siste vekene. Dessverre har vi i det siste ikkje vore flinke nok til å oppdatere nettstaden vår.

Den siste tida har hausten og vinteren stått i fokus hos L\L Gamalt & Gale. Planlegginga og gjennomføringa av den årvisse haustfesten har teke ein god del tid. Vi har også forberedt oss på vinteren. Det er som omtala før mykje som skal i hus før vinteren sett inn.

På bildet her ser de nyervervelsen til John, ein flott Super Dexta, som skal bli som ny i løpet av vinteren. Bjarne, Svein og Lidvar prøver her å få gang på motoren. Einar lurte seg som vanleg vekk medan bildet vart teke.

2010-09-30T19:27:00.000+02:00

Tikka

2010-09-19T14:45:00.002+02:00

Om våren er det mange som trekk piggane ut av vinterdekka, for å kunne køyre på stumpane en sesong til...

...om du har nye sommerdekk kan det kanskje vere mogleg å sette inn piggar no framføre vintersesongen?

I alle høve. Gamalt & Gale har eit parti med piggar som vi delar broderlig av..

Gamalt & Gale med eigen skyvemast-truck !!

2010-09-18T14:29:00.002+02:00

Nok ein gong har næringslivet i Sykkylven vist interresse for oss i Lutlaget Gamalt & Gale.
Når noko skal bytast ut på ein fabrikk er det som regel sidan bruksverdien i fabrikken er vekke. Men sjølv om bruksverdien på ein fabrikk ikkje lenger er til stades, kan den vere stor for noken andre.

Møre Trafo som frå før av har "donert" ein Flex 5 nettstasjon som vi vil nytte som sandblåsingskabinett, har no bytt ut den eldste av sine truckar.

Ein Ameise skyvemast-truck frå 1965!!.

Denne har vore i bruk heilt fram til no, men har nett blitt bytta ut med ein heilt ny truck frå Linde. Vi i Gamalt & Gale var so heldige å få ta over den gamle. Den kom til Søvikdalen torsdag 16. september 2010.

Som de ser vart den teken i bruk allerede første kvelden.. Ein slik liten men sterk truck er særs hendig i lokala våre i Søvikdalen, og vi er sikre på at vi kjem til å få stor nytte av trucken vår framover...

Stor takk til Møre Trafo som lot oss ta over trucken!!

John skifta pluggledninga

Samstundes medan trucken vart sett i arbeid, skifta John ut pluggledningane på Nashen sin.. Eit tidkrevjande arbeid sidan bilen har ei lang rekke med pluggar på kvar side av bilen, og i tillegg har dobbel tenning.

John har også fått endra registreringsnummeret på Nashen sin.. A-6738 er ifølgje eigaren det første nummeret bilen var registrert på. John har også fått vite meir om historia til bilen.. Kanskje vi her heldige å John vil dele historia med oss.. Vi får sjå ;-)

Puslespill

2010-09-05T16:32:00.001+02:00

"Puslespill er et leketøy, spill eller tidsfordriv der en setter sammen et stortbilde av løse biter eller brikker. Ordet puslespill kan i videre forstand også bety pusleoppgaver der det gjelder å løse en oppgave eller et problem som består av flere deler."

Svein og Lidvar har i dag vore i Søvikdalen å prøvd å legge eit puslespel.Eit puslespel med særs store bitar, der dei fleste har hjul.

Vi må vel innsjå at hausten stend for døra, å soleis byrjar vi å tenkje på å få i hus "eignalutane" i Søvikdalen. Det er kvart år eit puslespel å få ihop. Lokala våre veks diverre ikkje proporsjonalt med samlinga. Også i år har fleire spanande prosjekt komt til Søvikdalen. Vi tek ikkje over bilar og traktorar berre for å ha dei, eller eige dei. Vi må vite at vi kan lagre dei på ein forsvarleg måte fram til det er deira tur i "restaureringskøa". Difor brukar vi no ein del tid på å få maksimalt ut av lagringsmoglegheitene våre. Men i mål kjem oss nok i år også. Før vinteren sett inn, har alt kome på plass under tak.

For ein kveld !!

2010-09-01T21:13:00.000+02:00

Torsdag 26. August hadde vi i Gamalt & Gale bedt på oss gjestar.
Storfjordens Automobilklubb skulle kome på besøk.

Vi må innrømme at vi i dagane i førevegen hadde rydda litt ekstra nede i "Leikarhuset", slik ein gjerne gjer når ein tek imot besøkande. Men at so mange som 51 personar skulle kome på besøk hadde vi vel ikkje drøymt om. At so mange også hadde teke med seg "gammelbilen" var også utruleg kjekt.

Vi har tidlegare i år hatt store vanskar med å halde vèrgudane på vår side, men denne kvelden klarte altso himmelen å halde tett. Dei besøkanda frå SAK fekk rusle rundt både inne og ute å kike på samlinga vår. Traktorane hadde vi for anledninga sett ut på "Solheim-myra." Medan bilane hadde fått tilhaldsstad inne.

Etter at gjestane hadde fått studert galskapen både vel å lenge, bar det i veg til "klubblokalet" for kaffi og noko å bite i...

Til slutt vil vi i Lutlaget Gamalt & Gale takke for besøket, og ynskje alle velkommen tilbake til Søvikdalen ved eit seinare høve.

PS: Har du bilete frå kvelden vil vi vere svært takksame om du vil sende nokre av dei til oss på mail..

arild.aure@norpost.net

Gamalt & Gale omtala på den mest leste nettstaden i Velledalen !!!

2010-08-31T21:40:00.000+02:00

Vi kan med stoltheit seie at vi no er omtala på den største og mest leste nettstaden i heile Velledalen..

To av traktorane som er i vårt eige har før hatt tilhaldsstad i Velledalen. Desse har fått fin omtale på nettsida velledalen.net .

Håpet er at nokon i Velledalen veit meir om desse traktorane og vil dele kunnskapen og historia om dei med oss...

PS: til alle som ventar på referat frå klubbkvelden med SAK.. Ha tolmod med oss.. Vi prøvar å innhente litt bilete frå kvelden.

Tok du bilete vil vi vere særs glad om du kan maile dei til oss...

Bruk mailadressa: arild.aure@norpost.net

Storfjordens Automobilklubb kjem på besøk!!

2010-08-25T16:00:00.000+02:00

Torsdag kjem SAK på besøk til Søvikdalen..

Vi i Lutlaget gleder oss til å få vise fram både verkstaden å klubblokalet vårt. Sjølv om bygga har stått der lenge, har vi i saman bygd eit miljø inni dei, og rundt dei.

Vi håpar at når våre vennar i SAK kjem på besøk, skal dei også få merke den gode atomsfæra som ligg over Søvikdalen.

2010-08-14T14:18:00.000+02:00

Veteranslåtten i Søvikdal må seiast å vere eit av dei store høgdepunkta i året.
Ikkje berre fær ein utført det nødvendige arbeidet med å slå markane på garden Skaret, men ein får også ein sosial dag med mykje moro. Etter slåtten er ferdig er det sjølvsagt tid for ein matbit..

Livsteikn frå Lutlaget ...

2010-07-18T00:12:00.000+02:00

Endeleg har dataproblema løyst seg, slik vi kan legge ut nyhende her på sida.

Vi har etter nokre hektiske månadar med både utstilling, og slåttearbeid, teke oss ein velfortjent pust i bakken. Skuldrane er senka og vi har kome i feriemodus.

Vêret har enda ikkje vist seg frå si beste side, slik at nokon utagerande form for utendørs festligheiter med åpen bil har vore utelukka. Men vi lever enda i håpet.

Inntil vi har fått på plass ei betre løysing på våre biletarkiv her på nettstaden foreslår vi at du tek ein kikk på denne sida. Trond Ravnestad frå Seaside Custom var ein av dei som tok turen til bilutstillinga vår tidlegare i år. Han tok ei mengd flotte bilete, å har lagt dei ut på nettsidene til Seaside Custom. Vel verdt å ta ein kikk...

Seterjentenes søndag...

2010-07-03T20:42:00.000+02:00

...var ein melodi laga av Ole Bull på attenhundretalet.

Men den måtte i dag sjå seg grundig slått av "slåttekaranes laurdag".

Den årvisse veteranslåtten gjekk føre seg i dag, i Søvikdalen. 6 traktorar med slåmaskiner var på plass, i tillegg til eit par utan slåtteutstyr. Synkronslåing er vel det næraste ein kjem fenomenenet. Eg kan ikkje seie kor lang tid det tok før i "gamle dagar" når Søvik-Skaret skulle slåast. Men at dei brukte lenger tid enn kva vi gjorde i dag, er heva over ein kvar tvil. Det tok under ein time å få slå av alt graset på skaret. Med fleire slåttekarar på kvar sin traktor, samt fleire dugandes rakste-deie, gjekk alt som ein draum.

Etterpå kosa vi oss med grillmat, kaker, svele, brus, og alt anna som høyrer med ein slik dag.
Einaste vi mangla var slåttegrauten..
Med stort og smått kunne vi telje 20 personar på Skaret. Alle kosa seg på ein lenge etterlengta finevërsdag....

PS: Bilete både frå slåtten, samt bilutstillinga vil kome so snart vi har fått orden på datautstyret til L\L Gamalt & Gale.

Oppdatering av nettstaden

2010-06-27T23:47:00.000+02:00

Siste tida har nettstaden diverre ikkje blitt oppdatert like flittig som den bør.. Vi beklager dette, og lovar å kome sterkare tilbake.

Komande helg blir det "veteranslått" i Søvikdalen, soframt vèrgudane er i godt lune.
Svein, Einar og Lidvar brukte laurdagen til å klargjere slåtteutstyr. Vi kjem attende med meir info i løpet av veka.

Bilutstilling 2010

2010-06-15T22:41:00.000+02:00

Lutlagets første bil- og traktor-utstilling heldt bokstaveleg talt på å regne vekk.. å det var vel det einaste vi ikkje hadde regna med.

Sjølv om veret på denne junidagen ikkje var det beste, trassa veldig mange vergudane å stillte opp på utstillinga. Utruleg sprekt gjort.

25 bilar var å sjå på parkeringsplassen på det meste.

Starten frå Samfunnshuset gjekk klokka 10. Vi håpte at litt fleire skulle vere komne ut i gatene, men det var nok ønsketenkning frå vår side. Med hjelp frå sirenene på brannbilen gjekk det greit å kome seg gjennom sperringane som var sett opp før vi sette kursen mot parkeringsplassen, litt tidlegare enn planlagt..

Etter at bilane var plassert, tok vi turen til Skjerva og henta traktorar. Ei kortesje på 10-12 veterantraktorar etter vegen er ikkje daglegdags sjølv her i Sykkylven.

Noko bilutstilling er det mange år sidan vi har arrangert i Gamalt & Gale. Med positive holdingar frå handelsforeininga, sporty bileigarar som møtte opp sjølv om regnet hølja ned absolutt heile dagen, å publikum som tok turen innom for å sjå, må vi seie oss nøgde med utstillinga.

Likevel er der heilt sikkert ting som kunne vore gjort annleis. Har du ris eller ros om gjennomføringa? Tankar eller idear om komande utstillingar? Har du lyst å vere med å engasjere deg i arbeidet vi driv?
Legg igjen ein kommentar i feltet under, eller send ein epost til arild.aure@norpost.net

Informasjon om utstillinga

2010-06-04T22:19:00.001+02:00

12.juni er dagen då sola skal skine frå skyfri himmel, og motorinterreserte frå Sykkylven og omegn skal få vise fram doningane sine.

Vi tek sikte på å få til ei felles innkjøring på parkeringsplassen vi skal halde til. Vi vonar dette skal bli meir "publikumvennleg".
Vi samlast på parkeringsplassen til Sykkylven Kulturhus, og kjører derifrå klokka 10.00. Ver gjerne ute i god tid. Om du ikkje har høve til å møte der, kan du sjølvsagt kome rett til utstillingsplassen på Aure.

Vi har fått tildelt ein parkeringsplass nordøst for sentrum, like ved Expert. Plassen er godt avgrensa og egnar seg flott til utstilling.

På området vi disponerar vert det høve til å kjøpe kaffi og svele. Vi har også eit opphaldsrom "innomhus" i tilfelle morgenduggen klumpa seg litt sammen utover. Teltet til Lutlaget vil også bli sett opp.

Utover dagen blir det mest truleg ein liten biltur, eller cruising. Dette vil vi kome nærare tilbake til utstillingsdagen.

Det viktigaste er at flest mogleg stiller opp slik vi verkeleg får vist fram mangfaldet i bilinterressa her i Sykkylven...

Om du har spørsmål om arrangementet ta kontakt med Arild på tlf. 932 29 808

Ørskogdagane!

2010-05-29T12:55:00.014+02:00

Ulike "bygdedagar" finnast sikkert overalt. Denne helga var det Ørskog som hadde sine "Ørskogdagar".
Vi kjørte tre bilar frå Sykkylven for å delta. Svein og Helen med Buick, John med Nash, og Arild med Opel.
John, Helen og Svein haddde sogar dressa seg opp i tidsriktige antrekk.

12 bilar, og 3 bussar hadde funne vegen til veteranbilutstillinga der.

Det nærmar seg...

2010-05-22T23:37:00.001+02:00

Farmall Cub'en som har vore vårens store prosjekt
tek form i Søvikdalen.
Den her skal vere ferdig til Sykkylvsdagane 2010

17.mai er over. L\L Gamalt & Gale hadde med seg ein nøgd gjeng med pensjonistar i toget. Sjølv om dei som var med kosa seg, hadde oss hatt plass til enda fleire..
Kanskje kan dette bli ein årviss tradisjon?

Som overskrifta seier, det nærmar seg.. Det nærmar seg Sykkylvsdagane 2010.
L\L Gamalt & Gale har som før nevnt tatt mål av seg til å lage ei flott utstilling av bilar, motorsyklar, traktorar, og kanskje ei campingvogn eller to.

Dette er sjølvsagt ikkje noko vi klarer på eiga hand, men heldigvis har maaange sagt seg villige til å stille med bilar og syklar til denne laurdagen.
Om du legg turen innom parkeringsplassen der vi skal ha utstillinga vil du få sjå alt i frå folkevogner til corvette...
Som alle andre plassar er vel smaken som kjent som baken.. Der junior kanskje siklar over ein nystrigla Camaro, kan opphavet stå like ved å felle ei tåre på panseret til ein Renault, og tenkje tilbake til si eiga ungdomstid.

Vi håpar at mange vil få sjå anten sin fordums ungdomsbil, eller kanskje framtidas draumebil i sentrum desse dagane.

Om du har ein bil som du vil syne fram, er du fortsatt hjerteleg velkomen til å ta kontakt..
Hos oss er ein Mini Morris like velkomen som ei Porsche.. Det er mangfaldet i bilentusiasmen i bygda vi vil vise fram.

Ta kontakt på telefon 93 22 98 08
eller send ein epost til arild.aure@norpost.net

I morgen er det 17.mai...

2010-05-16T15:50:00.000+02:00

...og Lutlaget Gamalt & Gale har invitert med seg bebuarar frå BUAS på biltur.
Vi vil hente bebuarane på BUAS med veteranbuss, og nokre veteranbilar. Derifrå kjører vi opp til kommunehuset der vi tek oppstilling å ser på når toget går forbi. Vi heng oss på toget å danner baktropp til slutt.
Til slutt kjører vi til kirkeparken slik passasjerane våre får sjå og høyre appellane og talane for dagen, og ikkje minst musikken..

Vi håper dette blir ein fin og minnerik dag for både oss og passasjerane våre...

Sykkylvsdagane

2010-05-11T22:58:00.002+02:00

Gamalt & Gale skal arrangere bilutstilling under Sykkylvsdagane..

Utstillinga vil vere på laurdagen.

Har du ein bil, mc, traktor, e.l. som du synest fortjener å kome fram i lyset so ta kontakt..

Vi har eit avgrensa område som vi kan boltre oss på denne dagen, men vi tek med so mange vi har plass til..

Om du ikkje har høve til å delta denne gongen, er det fint om du tek kontakt likevel, på den måten kan vi med tida prøve å samle inn data om kva slags kjøretøy vi har her i bygda. Vi kan også lettare kome i kontakt om vi seinare skal arrangere utstillingar..

Ta kontakt med:
Arild Leikanger Aure
tlf. 93 22 98 08
arild.aure@norpost.net

Bølgeblikk til Søvikdal..

2010-04-29T19:02:00.001+02:00

Av og til kan ein byrje å tru at vi opererer som skraphandlarar i Søvikdalen. Men det kan vi bestemt avkrefte..

I kveld var Cato Eidem på plass med sin kranbil for å transportere inn nærare 700 kvm med bølgeblikktak.
Om det var nokon som skulle kunne greie det her, måtte det vere Cato.

"Det går bra, skal kjøre forsiktig. Ikkje forare enn 80-90" ropa Cato frå lasteplanet..

Transporten til Søvikdalen gjekk fole bra. Platene vart plassert på nedsida av verkstadbygget, å er klare til å bli tatt i bruk so snart teikningar av neste "byggetrinn" føreligg...

Farmall Cub

2010-04-23T17:57:00.001+02:00

Onsdag gjekk med til lakking av Farmallen frå Sætre.. "Kroppen", skjermane, og mange andre smådelar vart gjort klare til å monterast igjen..

Torsdag vart traktoren kjørt til Søvikdalen, å monteringa kunne byrje..
Det blir spanande å sjå framover når resten av delane blir lakka, å delane frå USA kjem.. Håpet er å ha den ferdig til Sykkylvsdagane 2010

Torsdag kveld frå Søvikdalen...

2010-04-16T22:48:00.002+02:00

Å legge om dekk kan vise seg å vere ei utfordring.

På bildet over ser de Lidvar Aure, med dekknavnet Dr. Pirelli, saman med operasjonssjukepleiar Einar Bakke, med kveldens dekknavn "Michellin", utføre ein komplisert dekkoperasjon.
Dekket som her blir operert høyrer til på ein Farmall Cub.

Når dekkspakane vart for svake, og tolmodigheta fulgte etter, vart vinkelsliparen henta. Heile hallen var snart dekt med røyk. Skikkelig svidd gummi. Dekkoperasjonen foregjekk i umiddelbar nærhet til Sveins Amazon, noko som dekkande nok førte til ymse komentarar frå eigaren. Amazonen vart bedekt med ein ny hovudbremsesylinder i løpet av kvelden.

Seinare på kvelden dekkorerte Svein, Arild og Einar verktøyveggen med fleire verktøy. Ein har snart klart å dekke heile veggen.

Olav Kjuul og Stig Hagen var også tilstades på kveldens øvelsar i Søvikdalen

Bolinder motor

2010-04-08T20:29:00.002+02:00

Vi har funne ut at ein ikkje har plass til alt.. Ikkje i Søvidalen eingong..
Difor vil vi gjerne kvitte oss med denne gamle motoren.. Ein Bolinder Munktell av god gammel årgang.

Motoren putrar og går, vart starta seinast hausten 2009 etter lang tids dvale.
Vi har ikkje sett nokon pris for motoren, då slikt ikkje kan målast i pengar..

En fransk forfatter sa en gang:

"Pengene, grunkene, gryna, slantene, skillingene.. Et evig mas!
Alltid er de etter en og driver på slik en ikke får ro. Alt koster penger, for pokker, alt!!"

Her er det nok ikkje prisen som er det vesentlige, men at motoren får ein god heim..
Kanskje for å drive ei gardssag?
Kanskje for å brukast som straumaggeregat?
Kanskje for å bruke den som utfar til ein båt?^

Bruk fantasien din...

Kom gjerne med eit bud

Nettstasjonen er på plass!!

2010-04-01T14:04:00.001+02:00

No har L/L Gamalt & Gales nettstasjon komen på plass i Søvikdalen.. Tysdag 31. Mars var den store flyttedagen.

Trond stillte som vanleg opp som sjåfør, ei oppgåve han utførte med bravur.
Fremst i kortesjen kjørte Lidvar, Trond fulgte tett på, so kom John, mens Kenneth låg bakerst å passa på alle saman.

Å få plassert nettstasjonen på hengeren på Møre Trafo, var ingen problem. Med store kraner og god plass vart nettstasjonen plassert. Einaste som mangla var Elling Hole som kunne bistå med sikring av last.

Lossing i Søvikdalen var nok ei litt større utfordring. Sjølv om det gjekk bra det også. Rå muskelkraft, god vøgemat, og ikkje minst ei framifrå vøg gjorde susen.

Farmall Cub snart klar til lakk

2010-03-28T17:41:00.003+02:00

Vår Farmall Cub som i fjor vart henta på Sætre, er no snart klar til lakk.. I alle høve er "kroppen" snart klar. Den har no blitt vaska å klargjort. Lakk har også kome til traktoren.

Opel Rekord Olympia

2010-03-20T18:52:00.000+01:00

Bilen er ein 1959 modell, og er eigd av Lidvar Aure.
Den er utstyrt med ein 4 sylindra bensinmotor.
Motoren er på 1488 ccm og yter 45 hk.

Noverande eigar kjøpte den av Svein Grebstad, som hadde hatt bilen i mange år. Den vart restaurert og lakka i tilnærma original farge. Den originale fargen ser ein att t.d. på dashbordet. Bildet over er teke i forbindelse med Norgesløpet 2009.

VOLVO P 1800 ("Helgenen - bilen")

2010-03-20T18:47:00.000+01:00

Bilen er ein 1961 modell, eigd av Einar Bakke

Motoren er ein B 18 B, sportsutgåve med 4 sylindrar og dobble SU

forgassarar. Den yter ca 100 HK (SAE)

Den har chassienr 596 av ca 32000.

Noverande eigar kjøpte bilen i 1997 av Petter Roset, Sandane. Han importerte

den frå Sverige i 1994.

Biletet er teke i Norgesløpet 2009.

Snørydding i Søvikdal

2010-03-18T20:20:00.001+01:00

Torsdag var det igjen aktivitet i Søvikdalen.. Kuldegrader har mange gonger sett ein stopper for "dalakveldande".. Men no var endeleg temperaturen på vår side igjen..

Trond hadde teke med seg traktoren til Søvikdalen, å fekk flytta vekk alvorleg mange tonn snøv som hadde ramla ned fra himmelen. All snøven som hadde rasa frå taket hadde pakka seg godt saman. Før mildveret sette inn var vel der ei jamn flate på nedsida på omlag 2X4 meter...Når ein då veit at bygget er 15 meter langt kan ein sjølv rekne ut kor mange kubikkmeter det var...

På bildet under ser du karane som er iferd med å innvie den nye verktøyveggen. Mykje både nytt å gamalt verktøy fekk plass på veggen..

2010-03-18T20:09:00.001+01:00

doc0002

2010-03-18T18:33:00.000+01:00

Sent with DocScanner

Volvo Feltvogn fra 1963

2010-03-09T20:59:00.000+01:00

Feltvogna kom direkte frå forsvarets overskuddslager. Den vart kjøpt på auksjon på Klepp ein vårdag i 99.

Kristian Berge, og Arild Leikanger Aure, tok turen til Trøndelag for å kjøpe bil.
Den maskuline delen av opphavet, var klar over kva som skulle skje. Den feminine delen ante enda ingenting.
Var kanskje tryggast slik, om ein skulle håpe på at det vart handel..

Den her dagen var der over 80 bilar som skulle auksjonerast vekk.. Når 75 bilar var solgt, slo Arild og Kristian til. Pulsen steig i takt med buda, og lettelsen og gleda var stor då vi fekk tilslaget.

Prøveskilt hadde vi med frå Sunnmøre. Nye batteri måtte kjøpast før vi kunne sette kursen sørover igjen. Turen nedatt vart eit kapittel for seg sjølv. Vi rota oss ombord på ei ferge, som etter våre planar ikkje skulle vere der.. Vi bomma på eit par avkjørsler, som kom litt brått på... Vi tok mest truleg ny fartsrekord med feltvogn for å nå siste ferga mellom Molde og Vestnes. Kristian som kjørte framføre med Golf, klokka inn Feltvogna til 110 km\t. Då la speglane seg inn til sidene. (Sikkert for å gjere bilen meir straumlinjeforma ???)
Vi tok igjen en liten søt raud bil som bremsa oss kraftig ned. Sjåføren der skulle heilt klart hatt både premie og diplom, for rett rundt neste sving sto Onkel Politi med laseren sin..

Når vi nærma oss fergekaia måte Kristian "Solberg" Berge trå til igjen.. På feil side gjennom rundkjøringa for å kome seg ned til kaia å halde att ferga til eg kom med Feltvogna.
Kristian sin manøver i rundkjøinga gjorde inntrykk.. Eg skulle ikkje vere noko dårligare.. Eg sikta meg inn for også å ta "snarveien", men trekte meg i siste sekund.. Men då var det for seint.. Løysinga vart å kjøre rett over rundkjøringa. God bakkeklaring er godt å ha.
Innkjøringa til fergekaia gjekk meg hus-forbi, slik at eg igjen måtte forsere ymse midtrabattar. Men med hjelpsomme ungdomar som flytta "rasteplass-borda" like ved fergekiosken, klarte eg å smyge meg forbi.

Vi rakk ferga i siste sekund.. ...men var pengelens... Pengane var brukt opp på forrige ferge, som ifølge oss sjølve ikkje skulle vere der. Men men, det ordna seg det også.

Bilen kom i alle høve heim til Sunnmøre.

No hadde også den feminine delen av opphavet fått kjennskap i kva som hadde gått føre seg. Å det gjekk absolutt ikkje upåakta hen. Men etter ei tid i "unåde", vart eg teken inn i varmen igjen..

Sidan den tid har Feltvogna vore nytta til alt mulig rart. Som kamerabil, sjukebil, flyttbart PA-anlegg på Stølsturar, offroadkjøring, slepebil og sommerbil. Den har til og med vore nytta til å drage båtar frå naust og ut på fjorden. Ja lista er lang over det bilen har vore nytta til. Å meir blir det nok etterkvart..

"Onkel-John"

2010-02-19T23:30:00.002+01:00

Traktoren "Onkel - John" som var ferdig restaurert våren 2009 fekk kun eit kort opphald i Sykkylven etter den var ferdig..

Traktoren vart henta på Stadtlandet der den hadde stått parkert i ein gjødselkjeller i fleire år. Ein skulle kanskje tru at den salte sjølufta på Stadt skulle gjere sitt for å øydelegge traktoren. Men traktoren var i uforskamma god form. Etter at Onkel John sette frå seg traktoren for mange år sidan, og til vi henta den, hadde ikkje traktoren vore starta.

Men å få start på traktoren skulle vise seg å ikke vere ei altfor stor utfordring. Allerede same kvelden vi henta den, var den i bruk til snørydding.

Men som sagt, den fekk ikkje vere i Sykkylven lenge. Sunnmøre Museum skulle ha ei utstilling kalla "Ei verd av fargar", å ville gjerne låne ein "Gråtass" frå L\L Gamalt & Gale. Sjølvsagt fekk dei låne ein traktor til utstillinga si.

Når L\L Gamalt & Gale skal arrangere veteranbilutstilling i forbindelse med Sykkylvsdagane skal "Onkel-John" vere med...

Bilder frå Bremen

2010-02-17T20:58:00.001+01:00

Svein og hans bedre 3\4 del har vore på tur til Bremen..'

Her ser du nokre av bileta han tok på turen, og besøket på ei enorm veteranbilmesse...

Svein har vore på utanlandstur!!

2010-02-11T20:43:00.003+01:00

Svein har siste tida vore på ein utanlandstur..
Tyskland, og ei stor veteranbilmesse var målet.. Då han kom attende til Søvikdalen, hadde han enda ikkje slutta å smile.. Rykta seier at han sikla so gale over nokre av bilane at han måtte av sikkerhetsmessige hensyn trekke seg litt tilbake før vaktene kom.

Tilbake til gamlelandet hadde han med seg både lektyre og verktøy.. I det henseende har Svein invitert resten av Gamalt & Gale, samt andre interreserte til demonstrasjon av nyinnkjøpte mikrometer.
Rykta seier at det kan kome på tale å bruke audiovisuelle hjelpemiddel i framførelsen av foredraget omkring mikrometera.. (dette er enda ikkje bekrefta frå føredragshalderen)
Sjølve arrangementet vil gå av stabelen i Grebstadlia førstkomande torsdag..
(ta med kopp)

Ein kald start på året.

2010-02-06T16:38:00.000+01:00

Torsdag 4.februar måtte vi nok ein gong sjå oss slått av vèrgudane..
Når kvikksølvet forvilla seg fleirfoldige hakk på nedsida av nullen fristar nok sofaen meir enn Søvikdalen.
Men vi kjem heilt klart sterkare tilbake.

Nybygg i Søvikdalen...

2010-02-01T23:18:00.001+01:00

Nybygg, evt påbygg har vore eit heitt tema i fleire kaffepauser i Søvikdalen.

Fleire muligheite å løysinga har kome på bordet. Nokre er både spennande og ikkje minst gjennomførbare.. Men inntil dette kjem igang har Møre Trafo AS avhjelpt situasjonen med å donere ein nettstasjon til L\L Gamalt & Gale. Sidan nettstasjonen ikkje er større enn ca 7kvm kan ein vel ikkje kalle dette for ei større utbygging. Men men, det er ein god start.

Nettstasjonen av typen Flex 5 er enda ikkje komen til Søvikdalen. Grunna eit herleg vintervèr, med mykje snøv har transporten blitt umogleg å gjennomføre.
Men kva skal ein bruke nettstasjonen til?
Gode forslag kan leggast i kommentarfeltet under..

Elias og Tråle teikna av Mats...

2010-02-01T19:57:00.012+01:00

Mats på 10 år har teikna to flotte teikningar som vi har fått ha med på nettsida vår..

Han har no tatt utfordringa om å teikne ein traktor eller to...
Kanskje får vi snart lagt inn teikningar av ein Porsche Junior eller Karitraktoren.. Eller blir det Mats sin eigen favoritt, Ford Dexta??

Kaldt i Søvikdalen.

2010-01-20T17:06:00.000+01:00

Med temperaturar som passerte 20 blå på sin veg nedover, vart det liten aktivitet i Søvikdalen første torsdagen i 2010.
Men 14.januar var der igjen aktivitet. Stig Aure hadde vore der å rydda snøv, slik det var lett å fint å kome til. John, Lidvar, Trond og Arild møtte til dyst ut på kvelden. John fekk roa ned nervane sine då han kunne konstatere at frostveska i Nash'n hadde haldt frosten ute.
Kveldens prosjekt var rydding av verkstedbenk, og hyller. Etter som tida har gått har nok mangt og mykje funne vegen opp i hyllene. Ikkje alt har noko der å gjere. Difor er det godt med ei opprydding ein gong i blandt.

Nytt år og nye muligheter

2010-01-10T10:49:00.001+01:00

Då skriv vi plutseleg 2010.
Det er 10 år sidan verda etter sigende kom til å gå under grunna datatrøbbel og andre uhumskheter
Det er 20 år sidan Mikhail Gorbatsjov vart valt til president i Sovjetunionen
Det er 30 år siden Lancia Delta vart kåra til Årets Bil i Europa.

Det er også 30 år sidan den siste Rolls Royce Silver Shadow rulla utifrå fabrikken.
Eit nytt år, betyr også eit nytt "sett" med veteranbilar. Mange vil vel gjerne rynke på nasa å tenkje at ein bil frå 1980 er alt for ny til å vere ein veteranbil. Men det er det langt ifrå.
Det skal bli spanande å sjå kven som kjem på treff med ein nystrigla 1980 modell Audi 80, eller ein Mazda, frå same året.
Og ikkje minst skal det verte like artig å sjå ansiktsutrykka på desse forståsegpåarane som har sine eigne svært bestemte meiningar om korleis en veteranbil skal vere. Om ikkje produksjonsland, størrelse, alder, og eigar stemmer overeins med gitte kriterier, kan det vere det same.

Ein kan vere sjeleglad for at hvertfall i Søvikdalen er alle bilar like velkomne.

GOD JUL

2009-12-24T13:25:00.000+01:00

Vi i L\L Gamalt & Gale vil ynksje alle ei rett so god jul, og eit aktivt og godt nytt år.

Majoren

2009-12-13T17:20:00.000+01:00

Einar og Svein hadde igår ein liten aksjon på Majoren. Siste tida har dei arbeida aktivt for å få traktoren til å starte. Sidan torsdagen gjekk med til "førefallande arbeid på bygnigsmassa" hadde vel brødrene en aldri so liten abstinens etter traktorskruing.

Traktoren vart slepa både hit og dit utan å starte. Kun grå røyk. Når karane då snudde dieselpumpa, fekk pipa ein annan låt. Traktoren starta etter å ha blitt dregen kun nokre meter. Svein og Einar er godt fornøgde med dagen, å kan no la julefreda senke seg med god samvittighet.

2009-12-13T13:30:00.000+01:00

2009-12-11T18:04:00.000+01:00

Skifte av viftereim på folkevognmotor.

2009-12-03T15:06:00.004+01:00

I Søvikdalen har vi tilgang til 3 folkevognmotorar, i tre ulike kjøretøy. I ei boble, gulrotbilen og brannpumpa.

Ein har vel ikkje det store behovet for å skifte viftereim på desse motorane umiddelbart. Likevel kan det vere greit å ha ein instruksjonsvideo for korleis dette skal gjerast.

Vi gjer merksam på at dette ikkje er ein video teken opp i Søvikdalen

David brown

2009-11-26T21:37:00.002+01:00

David Brown traktoren fekk kome inn i varmen i kveld. Den står ikkje for tur i "restaureringskøa", men det var eit håp om hvertfall å kunne starte den i kveld. Greit å vite kva traktorar som går, å kva som står. Konklusjonen i kveld var at denne traktoren går neste torsdag.

Ellers vart det jobba både på Fordson Major, og litt på Chevroleten til Lidvar. Arild brukte tida på å få skifta dekk, og bremseklossar på Cruisern.

Nytt prosjekt på Skjerva

2009-11-24T18:15:00.003+01:00

Mandagskvelden kom eit nytt prosjekt til kjelleren på Skjerva. Bucheren "Bendik-Ole" vart henta ut ifrå Søvikdalen, å er klar for restaurering.

Det ser ut som dette kan bli ein litt lettare jobb enn Motostandarden. Tida får vise om det er tilfelle..

Traktoren det er snakk om er ein 1958 modell Bucher-Guyer type K3R.

Til den har vi original tilhenger, slåmaskin og svans..

Motoren har kick-start, å går som ei klokke. Det er kun det kosmetiske som må gjerast noko med, sidan lakken har blitt både falma og slitt gjennom åra. Men alt i alt ber Bucheren preg av å vere teken godt vare på.

Fordson Major i lastebilgarasja

2009-11-19T22:12:00.002+01:00

Einar, Svein, Olav og John jobba i kveld iherdig med Majoren. Dei er vel ikkje heilt klare til prøvekøyring enda, men håp om hvertfall å få starta den snart har dei.

Majoren i Søvikdalen har ein "donor-traktor" ståande på Grebstad. Der er mellom anna motoren henta frå. Dei siste torsdagane har blitt brukt mellom anna til å bytte motor.
Guttane i den forhenværande lastebilgarasja må ikveld kårast til å vere dei ivrigaste. Særleg Einar kanskje, som kutta kraftig ned på kaffipausen for å kome seg tilbake til Majoren..

Torsdagskveld i dalen

2009-11-19T20:56:00.004+01:00

Også i kveld var der godt frammøte i Søvikdalen.

Svein, Einar, Trond, Mads, John, Bjarne, Olav, Lidvar og Arild var på plass..

Bjarne hadde til alt overmål med seg heimebaka løfse. Trur han hadde fått litt hjelp av Karin, hvertfall til å kjevle dei ut. Gode var dei i alle fall.

Innimellom all tullpraten vart det diskutert litt rundt neste års terminliste. Det er på tide å få nokre stikkord på papiret for neste års begivenheite.

Dekkomlegging i søvikdal.

2009-11-18T18:03:00.006+01:00

Trond rydda i garasja. Det som ikkje var plass til der lenger, har Gamalt & Gale teke ansvar for å få lagra på forsvarleg vis.

Dette innebar (heldigvis) 1 stk dekkomleggingsmaskin, 1 stk balanseringsmaskin, 1 stk løftejekk til løftebukken.

Løftejekk

2009-11-18T18:02:00.002+01:00

Før har diverse lugubre opplegg blitt brukt for å jekke opp bilane. Med ein firesøylers løftebukk har det ikkje alltid vore like lett å få hjula opp ifrå køyrebruene.

Dette er no heldigvis endra. Ein luftdriven løftejekk har kome på plass. Første bil til å teste den vart Chevroleten til Lidvar, som no får nye lager på framhjula.

Traktor frå Stranda

2009-11-16T21:21:00.005+01:00

Ein skal ikkje seie at dei ikkje har fornuftige saker og ting på Stranda. Dei har no både pizzafabrikk og flislagt sentrum.. Det dei ikkje har lenger er ein Massey Fergusson 25, for den har komen til Søvikdal.

Denne traktoren kom vi over på internett. Mange godbiter å finne på finn ;-)

Det kjekke med denne her var at den var berre 45 minutts køyring herifrå. Dette gjorde sitt til at Svein og Lidvar tok turen til Stranda, å fekk plassert traktoren på hengaren. Klokka 20.30 var traktoren komen til Søvikdal.

Forrige eigar, Jørn Banken, hadde hatt traktoren ståande på låven sin i 15 år før Gamalt & Gale fekk take over den.

PS. Den her traktoren var produsert i Frankrike. Var beregna på lettere arbeide t.d. på drueplantasjar. Kanskje derfor den kom til Stranda, Sunnmøres Frank Rike..

Lanz Bulldog, eller Konrad som vil kjenner den som.

2009-11-16T17:29:00.002+01:00

Det er alltid stor stas når ein traktor vaknar til liv for første gong etter ein lang dvale.

Å få start på Konrad har vore eit langvarig prosjekt
Her var instruksjonsboka lesen etter alle kunstens reglar. Men eit uttal spakar, knappar, pedalar, gear og liknande er det viktig å ha tunga i rett munn under oppstartsprosedyrene. Legg merke til måten dieselen vert pumpa fram med "fotpumpe".

Beklaglegvis hadde gassen hengt seg opp, å kapittelet som omhandla stopping av traktoren var enda ikkje lest.

Motostandard

2009-11-15T20:12:00.002+01:00

No er det ikkje lenge før Motostandarden er ferdig. Dei fleste delane er no lakka, og monteringa er komen godt i gang. Stor takk til Nosbygda Traktoravlslag som var behjelpelige med fargekodane.

No er det berre om å gjere å få ferdig panseret. Der var nokre få bulkar her og der, men ikkje verre en at det skal vere mulig å få til eit veldig bra resultat av det. Den største utfordringa blir nok å få mala på att dei raude stripene, samt farga logoen i midten.

Det må også bestillast ein ny slange, då den eine gjekk sund når dekka vart tekne av felgane..
Håpet er at traktoren skal vere ferdig til evt. iløpet av komande helg. Ein tidsfrist som eg ikkje trur er heilt urimeleg, sjølv om der fortsatt kan skje mykje som kan ødeleggje den planen..

Gamalt & Gale har fått seg ein ny traktor !!

2009-11-15T16:24:00.000+01:00

Ein må vel trygt kunne kalle det en "höydare" når Tormod Strømgjerde entra scena på Daltun. Han takka for invitasjonen, og ville samstundes fortelje om traktoren dei har heime på garden i Straumgjerden. Traktoren, ein Farmall, kom til gards då Tormod var 8-10 år gamal. Det var stort for ein liten gut å få prøvekjøre vidunderet heime på garden.

Traktoren vart mykje brukt, men har siste åra blitt ståande på låven i påvente av at eigaren skulle få tid til å restaurere den. Den tida har Tormod innsett at han ikkje kjem til å få med det første.

Han og Ellen hadde då bestemt seg for at dei ville overlate traktoren til Gamalt & Gale på tre betingelsar..

1) Gamalt & Gale hadde lyst å ta over den.
2) Gamalt & Gale ville ta vare på den.
3) Ellen og Tormod fekk besøksrett.

Sjølvsagt kunne vi svare ja til desse betingelsane.
Som følge av dette vil traktoren "Tormod" kome til Søvikdalen i løpet av våren.

Haustfesten 2009

2009-11-15T16:23:00.001+01:00

Laurdag 24. oktober arrangerte vi Haustfesten 2009. Dette var den 5. i rekka og det var soleis eit lite jubileum vi inviterte til.

Som åra før var det rundt 30 personar som deltok. Vi har etter beste evne prøvd å invitere alle som vi veit driv med omlag same hobby som oss til Haustfesten. Som det alltid må bli er det ikkje alle det passar for kvart år. Til neste haustfest vil datoen bli fastsett mykje før, slik den som vil har høve til å planlegge det i god tid. Å var du invitert i år treng du ikkje frykte noke. Du blir invitert neste år også, om du då ikkje gjer ei tyne.

I år var det filmframsyning på Daltun. VI hadde diverre ikkje fått laga nokon ny film, men sendte ei "ønskereprise" frå fjorårets Lulag-film. Familen Fivelstad hadde teke mange flott bilete frå årets "7-seterløp", og "Norgesløp." Johan Steffen hade teke med seg mange av desse til Haustfesten. Dei vart vist på storskjerm i løpet av kvelden.
Som du ser av innlegget over hadde Tormod og Ellen Strømgjerde med seg ei flott overrasking.

Maten i år var eit koldtbord som Ninas Lille Bakeri leverte, samt kaker og kaffi som seg hør og bør. Dette gjorde nok også sitt til at trivselen var på topp..

Gamalt & Gale vil takke alle som deltok, og gjorde sitt til at kvelden vart ei flott oppleving. Vèl møtt neste år...

Lastebilen er komen att frå verksted !

2009-11-15T16:14:00.002+01:00

Lastebilen har dei siste åra blitt ståande ubrukt. Sidan clutchen bestemte seg for å ta kvelden for godt, har bilen ikkje vore kjørbar. Skilta vart innlevert og behovet for ein snarleg reperasjon var ikkje lenger til stades.

Men tidlegare i år vart dette gjort noko med. Trond og Arild slepa lastebilen ut på Haugseth, å Autodoktoren sette i gang å leite etter delar. Clutchen vart sendt til Oslobygda for å bli "restaurert", og elles var der nokre pakninger og anna småtteri som vart fiksa.

Etter verkstedopphaldet henta Svein og Lidvar bilen, og fekk kjørt den tilbake til Søvikdalen. No er det berre å få registrert den som står att..

L\L Gamalt & Gale med eiga nettside

2009-11-15T11:11:00.005+01:00

Det er vel på sin plass å ønske velkomen til Gamalt & Gales blogg.

Då vi ein gong for fleire år sida valgte å kalle lutlaget som vi starta, "Gamalt & Gale" gjekk det ikkje lange stunda før ei bi-setning kom til. "...og verre skal det bli ! "
Og verre har det blitt, og det kjem ikkje til å slutte enda heller er vi stygt redd for.

Håpet med denne bloggen er at andre også skal få ta del i galskapen. Få eit innblikk i kva tankar som blir sett i sving når vi høyrer til dømes orda: Buick, Chevrolet, Nash, 1929, P1800 eller Opel.
For ikkje å snakke om kva assosiasjonar vi får når nokon seier "Bendik Ole", Simon eller Tormod...
God lesnad